الحواوشي الإسكندراني

المقادير:-

 العجينه

 3كوب دقيق ، ملعقتين زيت

 ملعقتين لبن بودر

 ذره ملح + ملعقه سكر

ملعقه خميره بودر

 ذره زعتر + ماء دافى للعجن

مقادير الحشو :-

 لحمه مفرومه

 فلفل الوان
 طمطمايه منزوعه القلب يعنى الجلد فقط عشان طبعا عشان العجين ميتبل

ملح + فلفل + بهارات +  زعتر


طريقة التحضير:
بندعك الخميره مع السكر كويس جدا لغايه ماتسيح ونسيبها شويه فى مكان دافى لغايه مانحضر باقى الحاجه ،،، وبعدين ننخل الدقيق ونحط عليه الزعتر وذره الملح وذره السكر ونعمل حفره فى الدقيق ونحط فيها الزيت ولبن البودر ونفضل ونعجن فى العجينه لغايه لما المقادير كلها وتختفى فى الدقيق وبعدين نحط الخميره وطبعا زمانها اختمرت ونضيف الماء الدافيه ونعجن بقى بكل قوتنا جامد اوى ونروح ونجى بها لغايه ما يبقى عندنا عجينه طريه وجميله وتخرج من ايدينا ونسيبها ساعه ساعتين عشان ترتاح وتبقى زى الملبن فى ايديك

ونعجن برضه ونخلط اللحمه وباقى المقادير الفلفل الالوان والطماطم وباقى المقادير والتوابل كلها خلط كويس جدا

نبدأ بقى نقطع العيش نفرد قطعه فى حجم الطماطمايه مثلا نفرده بالنشابه وهتلاقيها هى لوحدها بتتفرد معاكى عشان العجينه مرتاحه وخمرانه

وطبعا الحمه بمحتوياتها مفروشه على قرص العجين ونعمل قرص مفرود تانى ونحطه نغطى به اللحمه ونقفل الجوانب عشان لما يستوى ميتفتحش وترصى فى الصاج ودخليه الفرن بعد دهن وش الرغيف بالزيت على خفيف

واول ما وشه يحمر نخرجه من الفرن